Убиение святых страстотерпцев
благоверных князей Василия и Константина
Ярославских чудотворцев
ВЕЧЕР
На Господи, воззвах: стихиры, глас 6:
С ловом Божественным окормляеми,/ святии
строители показастеся,/ тайнницы вернии и
спасйтельнии, / слезами семена сеявше,/ радо-
стию пожасте, святии начальницы,/ благовернии
князи Васйлие славный и Константине
Богомудрый./ Того ради Владыце принесостеся
кровию своею,/ Емуже ныне предстоите, раду-
ющеся, отцы святии,/ поминайте паству свою и
отечество,/ присно чтущия вашу память, Божий
угодницы.
Столпи честнйи Божия премудрости / войстинну
убо славному явйстеся граду Ярославлю/ и всей
вселенней показастеся, / чудеса содевающе, грады
же утверждающе, / и доброту церковную иконами
украшающе Божественными,/ и апостольским
учением последующе,/ и Евангелию Христову
научающеся./ Темже с ними вопием Господеви:/
молите спастися душам нашим.
Имеюще потоки пйщнаго оставления воды,/
Христа Бога очйстника, / Емуже ныне у Престола
предстоите,/ святии праведнии князи/ Васйлие
славный и Константине Богомудрый,/ потока
беззаконнаго избавите мя/ и воду непостоянную
утолите, / искушения бури утишите / и спасите нас
от бед и скорбей, / молйтеся, блаженнии, спастися
душам нашим.
Житие ваше просия добродетельми, / святии
новоявленнии чудотворцы,/ праведнии и велйцыи
князи Васйлие и Константине,/ болящия исцеля-
ете, слепыя просвещаете,/ прелесть диаволю
прогоните,/ войстинну убо явйстеся граду Ярос-
лавлю яко светозарное солнце,/ всю Россию
просвещающе, / и молйтеся Богу за всю
вселенную,/ святии блаженнии начальницы,/ и