254
Месяц июль
ски поборая,/ от Церкве отгнал еси львов наше-
ствия, Андрее, мужеству тезоименйте.
Велйку похвалам вину, Богородицу обрет, тща-
ние показал еси сугубо,/ превышшую похвал
хвалами многообразными почитая, мудре.
Богородичен: Кроме убо совокупления зачала
еси нетленно во утробе, / и прежде болезни родила
еси, / и по рождестве Девою, Бога плотию рождши,
сохранйлася еси.
Ин
Ирмос: Из горы приосененныя, Слове, пророк,/
единый Богородицы,/ хотяща воплотйтися бого-
вйдно усмотри/ и со страхом славослдвяше силу
Твою.
Имущи Христа присно во уме, любве тленных и
желания возгнушалася еси/ и сего ради дарова-
ния сподобилася еси, / Марфо, Того прославльши.
Попаливши страстей, Марфо, треволнение,/
угасила еси зверей дйвиих нашествия, / мысленна-
го же Амалика многоплетенныя сети посрамила
еси.
Была еси верных предградие и стена, чистою
любовию тя чтущим/ и святую твою память
творящим, Богоблаженная, верных помощнице.
Богородичен: Явйлася еси мысленный облак,
Богородице,/ носищи Самаго Солнца славы с
плотию,/ озаряющаго всю тварь светом Боже-
ственный благодати.
Песнь 5
Ирмос: Одеяйся Светом, яко ризою,/ к Тебе
утренюю и Тебе зову:/ душу мою просвети омра-
ченную, Христе, / яко Един Благоутробен.
Ныне красящийся твоими учении/ и песньми
богодохновенными священно наслаждающеся, /
Андрее всеблаженне, память твою почитаем.
Зарею просвещаемь яве духовною,/ святых
ликостояния пресвято похвалил еси,/ с нймиже
ныне радуешися, Андрее всеблаженне.
Ныне не чувствы тленнаго тела, ни мечтаньми
зрйши Божественная, / умно же, премудре, душев-
ными действы соединялся лучшим.
Богородичен: Со слезами припадаю Ти, зело