48
Месяц июль
На литии стихиры самогласны, глас 1:
Ученик Господень от младенства был еси, пре-
подобие,/ ибо, крест на рамо взем и узким пу-
тем шествуя,/ вся уметы вменил еси, да Христа
приобрящеши. / Ангелом поревновав воздержани-
ем и молитвою,/ бесом сопротйвился еси муже-
ски,/ Иоанне Богомудре, молитвенниче о душах
наших.
Глас 2: Духа Божественнаго сияние явление
восприим, блаженне отче,/ духи лукавствия
прогониши/ и чудодействием звезда светлая мй-
рови являешися, / сущия в нощи греха просвещая /
и прошения с верою к тебе притекающим пода-
вая, / чтущим твой светоносный праздник, / Иоан-
не преподобие, иноков украшение.
Глас 4: Светом добродетелей свое уяснив житие/
и зарею Божественнаго света душу просветив,/
светло прешел еси жития твоего поприще./ Во
светлостех же святых ныне достиг/ и Свету
Предвечному со Ангельскими чйнми яко пред-
стоя,/ от тьмы нас греховныя изымай, Богоносе
отче Иоанне,/ светом благодати просвещая/ и
Света невечерняго причастники сотворяя молит-
вами твоими.
Глас 6: Преславных чудес действы обогатйвся, /
приснопамятне отче,/ в животе же и по смерти
бесы лукавыя прогоняя,/ болящия исцеляя,/ не-
верный казнию ужасая и верный чудесы уясняя, /
землю пройде исправлений твоих множество/ и
слава твоя всюду протече. / Темже, собравшеся в
честнем храме твоем/ и святых твоих мощей
возвращение чтуще, / молимтися прилежно: / моли
спастйся душам нашим.
В радость Ангелом пожил еси, преподобие
отче,/ и во обличение бесом,/ в ревность же и
похвалу Бога любящим,/ в ликование святым и в
наше, чад твоих, веселие.
Слава, глас 3:
Праздник мощей возвращения Иоанна Богонос-
наго,/ иже,солнцу подобие, днесь сияет,/ с верою
приходящих просвещает/ и коемуждо прошения