8                                                                                                  Месяц июль
врачи душам нашим, Пречистая, / спасительны и
теплы заступники, честныя безсребреники,
Духом.
Песнь 3
Ирмос: Не мудростию, и силою, и богатством
хвалимся, / но Тобою, Отчею Ипостасною Мудро-
стию, Христе, /несть бо свят, паче Тебе, Человеко-
любче.
Миро благовонно исцелений/ Божественный
храм ваш источает священно, тучи духовный,/
страсти злосмрадныя отмывая всегда.
В Небесных селех водворяющеся всегда,/ сень
вашу присно источник исцелений, премудрии,
показуете/ благодатию Вседержителя.
Плотскйя страсти воздержания броздою
обуздавше, / духовный зари пребогатно приясте, /
темже исцеленьми мир обогащаете.
Богородичен: Краснейшу в женах Тя Бог избра /
и из Тебе плотски, Чистая, родйтися благоизволи, /
почивали во святых Своих.
Седален, глас 8.
Подобен: Премудрости:
Исцелений датели, и чудотворцы,/ и чудес
светильники светоприемнии всем явйстеся ду-
ховною благодатию, / страстный бо пламень верою
прохлаждаете/ и верным в ней смысл согреваете. /
Тем врачевство душевное стяжавше, Божествен-
ную церковь вашу,/ к нейже прибегающе,
вопием:/ Богоносцы безсребреницы, молите Хри-
ста Бога согрешений оставление даровати/ праз-
днующим любовию святую память вашу.
Слава, глас и подобен тойже:
Исцелений зари сущим на земли возсияюще,
Божественнии чудотворцы,/ яве отгоняете чело-
веков недуги,/ войстинну незаходймаго Солнца в
себе стяжавше, Христа Бога нашего./ Темже,
достойно сошедшеся, / почитаем славную, святии,
и честную вашу память, Богоноснии
безсребреницы./ Молите Христа Бога грехов
оставление подати/ чтущим любовию святую
память вашу.