18-й день
299
твоих, Емилиане, огнь безбожия,/ темже и чудес
источник источил еси, езера изсушающ страстей /
и недуги потопляющ и погружают; демоны.
Простерта тя бйти злочестйвый повеле./ Темже,
растерзаему телу твоему и ранами уязвляему,/
уязвйвшагося на Кресте страсть вообразил еси,
страдальче, блаженную.
Сый исполнен даров духовных, недуги неис-
цельныя целйши болящих, / уставлявши опаление,
духи отгонявши лукавыя/ и всем в печалех
помогавши, досточудне.
Богородичен: Оружием уязвена мя греховным,
исцели действенным Твоим врачевством,/ Спаса
Христа рождшая, копнем уязвеннаго мене ради,
Пречистая,/ и прободшаго сердце змийно.
Песнь 6
Ирмос: Приядбх во глубины морския, /и потопи-
ла мя есть буря многих грехов,/ но, яко Бог, из
глубины возведи живот мой,/ Многомилостиве.
Богат и исполнен Божественный славы мучени-
ем, блаженне, был еси/ и со Ангелы на Небесех
живеши,/ моли спастйся душам нашим.
Тела мертвеннаго ты не пощадел еси,/ темже
безсмертие пребывающее наследовал еси,/ умер-
твйвся любве ради, славне, страсти Умертвйвшаго.
Миро исцелений источает мощей твоих рака,/
пребогате доблий мучениче, / и упраждняет смер-
дящия всегда человеков недуги.
Богородичен: Ева убо объят от древа плод
смертоносен,/ Ты же, Пречистая, Жизни Древо
породила еси, / егоже вкус вся умирающия оживил
есть.
Кондак, глас 3.
Подобен: Божественный веры:
Б ожественною ревностию распалаемь,/ огня
сослужащаго не устрашился еси,/ но возшед
небоязненно волею,/ возгнещающим огнем
всесожжегся, / и Владыце, яко жертва, принеслся
еси,/ мучениче славне Емилиане,/ Христа Бога
моли/ даровати нам велию милость.