420
Месяц июль
На стиховне стихиры, глас 8.
Подобен: О, преславнаго чудесе:
Илия, пророк предивньш, / зарею ум просветив, /
весь бысть Божествен/ и, царя нечестива суд
неправедный зря, негодует, / темже и судом Божи-
им отречение посылает на него./ Такожде и
царицу,/ яко немйлостиву и златолюбйву,/ суду
Божию предаде./ Но молитвами, Христе, Твоего
пророка Илий/ спаси всех нас, яко Милосерд.
Стих: Моисей и Аарон во иереех Его / и Самуил в
призывающих имя Его.
Доколе, Господи, путь нечестивых спеется?/
пророче, рекл еси:/ Ты насадил еси, и
вкоренйшася,/ и сотворйша плод беззакония,/
войстинну и сами зле погибоша нечестием своим, /
возопиют к Тебе, и не услышиши./ Векую ми
показал еси нечестие/ судей законопреступных?
Стих: Ты еси иерей во веки,/ по чину Мелхисе-
де^ову.
Иже честное твое восхождение,/ честный во
пророцех великий Илие,/ празднующих твоими
молитвами/ от бед избавляй, и скорбей, и лютых
нахождений:/ да всегда тебе, преславныи
пророче,/ христоименйтии людие, почитаем и
ублажаем.
Слава, глас 6:
Пророче, проповедниче Христов,/ престола ве-
лйчествия никогдаже отступавши/ и коемуждо
болящу присно предстойши; / в Вышних служа,
вселенную благословляепга, / всюду просла-
вляемь;/ проси очищение душам нашим.
И ныне, Богородичен: Творец и Избавитель:
Тропарь, глас 4:
В о плоти Ангел, / пророков основание, / вторый
Предтеча пришествия Христова, Илия
славный, / свыше пославый Елиссееви благодать /
недуги отгоняти/ и прокаженный очищати,/ тем-
же и почитающим его точит исцеления.
Слава, и ныне, Богородичен: Еже от века
утаеное: