68
Месяц июль
Слава, и ныне, Богородичен:
Ужасно чудо зачатия и нееказанен образ Рожде-
ства в Тебе познася, Чистая Приснодево, / ужаса-
ет мой ум и удивляет помысл,/ слава Твоя,
Богородице, всем простреся во спасение душ
наших.
По полиелеи седален, глас 8.
Подобен: Премудрости:
Видение и деяние восприйм, чувствия, препо-
добие, украшая,/ житие направил еси к Боже-
ственным повелением./ Монахом бо явился еси
светильник светел, / наставляя и просвещая нас к
познанию./ Темже, восхваляюще, величаем любо-
вию исходную память твою, Богоносе Михаиле,/
сего ради вопием ти: / моли Христа Бога прегреше-
ний оставление даровати/ чтущим любовию свя-
тую память твою.
Слава, и ныне, Богородичен:
Небесную дверь и ковчег, всесвятую гору,
светлый облак воспойм,/ неопалимую купину,
словесный рай, Евино свобождение, / вселенный
всея великий сосуд, / яко спасение в Ней соделася
миру и оставление древних согрешений. / Темже и
вопием Ей:/ моли Христа Бога прегрешений
оставление даровати/ благочестно покланя-
ющимся пресвятому рождеству Твоему.
Таже степенна, 1-й антифон 4-го гласа. Проки-
мен, глас 4: Честна пред Господем / смерть препо-
добных Его. Стих: Что воздам Господеви о всех,
яже воздаде ми? Евангелие от Матфея, зачало 43.
По 50-м псалме стихира, глас 6:
Преподобие отче,/ добру обрете лествицу,/
еюже взыде на высоту,/ якоже обрете Илия
колесницу огненную, / но онаго убо вышний путь
иным не остася, / ты же и по смерти ймаши паству
твою,/ небесный человече, земный ангеле,/ све-
тйльниче неугасимый вселенней, / Михаиле Боже-
ственне преподобие,/ моли спастися душам
нашим.
Аще не празднуеши, един канон Октоиха и
святых два канона.