98
Месяц июль
Йкос:
Како, преподобие отче, возмогу восхвалйти тя
от малаго своего скудоумия/ и велйку похвалу
принести к твоему преподобию,/ и кто твоя,
преблаженне, подвиги и воздержание может испо-
ведати,/ премудре отче Арсение, небесный чело-
вече, земный ангеле, многосветлый светйльниче и
молйтвенниче к Богу!/ К твоему многочудесному
гробу приходяпгим и устнами прикасающимся к
цельбоносней твоей рйзе / отираеши очи и многим
подаеши здравие телесем, а душам спасение./
Сего ради вопием ти: / радуйся, яко подъял еси на
земли велйкия труды и подвиги;/ радуйся, яко
сподобися в немерцающем свете пребывати,/
идеже вси святйи ликуют в Небесных селениих./
Радуйся, яко обещался еси способствовати и
моление и мольбы приносйти за град и люди;/
радуйся, Великому Новуграду похвала и утвер-
ждение и сущим в печалех радость.
Песнь 7
Ирмос: От Иудеи дошедше, отроцы/ в Вавилоне
иногда/ верою Троическою пламень пещный поп-
раша, ноюще:/ отцев Боже, благословен еси.
Щедра тя и милостива к Богу и ко Пречйстей
Богородице за рабы твоя ходатая стяжавше,/
молим, преподобие Арсение: / избави нас от всяка-
го пременения молитвами твоими, святе.
Великий Нов град ймать мощи твоя в себе,/ яко
некое многоценное сокровище, премудре Арсе-
ние,/ и вся страна Русская тебе похваляет,/
имущи такова к Богу молитвенника о душах
наших.
Ходатайствуй и моление приноси за чтущия тя и
за вся православный христианы/ и гобзования
плодов земных и на враги победу и одоление
испроси, святе.
Богородичен: Наше спасение якоже восхотел
еси, Спасе, устроити,/ во утробу Девыя вселился
еси,/ Юже миру Предстательницу показал еси,/
отец наших Боже, благословен еси.