26
Месяц июль
радостно приимаху,/ беснии свобождахуся, / и
мертвии воскресоша, / и несть таковаго жестокаго
сердца, / еже зрением святыни Твоей не умилится. /
Но утверди, Всепетая,/ благое изволение моля-
щихся Тебе/ и подаждь душам нашим велию
милость.
Радуйся, Благодатная Богородице,/ Твое стадо
от Небес назирающи, / от Ангел убо пение прием-
лющи,/ от нас же изливаемый умиленныя слезы
вйдящи/ и молитвенная воздыхания душ наших
слышащи:/ сия бо паче витийства словеснаго/ на
милосердие Тебе преклоняют,/ во еже подати
душам нашим велию милость.
Йны стихиры, глас 2:
Твою икону целующе, Владычице,/ и следу
стопы Твоей покланяющеся, / и заступления Твой
многая поминающе, / достойных словес о прослав-
лении Тебе не обретаем, / но, благоговейныя слезы
Тебе в молчании приносяще, / аки на Небесй, себе
мним,/ Твоей славе предстоящий,/ спаси Тебе
величающия.
На горе Фаворстей Петр со др^ти/ Господне
Преображение видев/ и лепотою славы Его ус-
лаждался,/ такс вопияше Ему:/ Господи, добро
есть нам зде быти. / Сицевый же глагол рцем,
братие,/ на гору явления Матере Божия собрав-
шеся,/ и преображение славы Ей, зде бывшее,
помышляюще,/ и во умилении вопиюще к Ней:/
спаси Тебе величающия.
Н а скале пустынней первее явйлася еси, Влады-
чице,/ светом огни просвещение верных зде
прообразующи/ и Купину Неопалимую на память
людем приводящи;/ потомже с Небес видение
Твоего заступления/иноком Почаевским явила
еси, / яко покров Твой, Андреем древле виденный. /
Нас же, молящихся, светом озари духовным/ и
спаси Тебе величающия.
Слава, и ныне, глас тойже:
Непроходимая врата, тайно запечатствован-
ная,/ Благословенная Богородице Дево,/ приимй
моления наша / и принеси Твоему Сыну и Богу, / да
спасет Тобою души наша.