198
Месяц июнь
Владычне смирение восприйм, воду почерпал
еси/ и на раму своею носйти изволил еси,/ тем и
трудоположна во всем себе показал еси.
Преблаженне и Богоприятне отче наш Па-
йсие, / непрестанно стадо твое вопиет ти: / молит-
вами твоими к Богу, спаси нас, молимся.
Богородичен: По рождестве страшнем пребыла
еси Девою, якоже прежде:/ Бог бо бе рождейся,
устрояя вся волею,/ Безневестная Марйе, Бого-
благодатная.
Ин
Ирмос: Утренююще, вопием Ти:/ Господи, спаси
ны,/ Ты бо еси Бог наш,/ разве Тебе иного не
вемы.
Егда благодатию Духа смиренную стяжал еси
мудрость,/ раждающему смерть врагу глубоку
язву нанесл еси/ и высокоумный того нрав до
конца низложил еси.
Возшед ко обйтелем вечным, / лику преподобных
причтался еси, Пайсие, / с нимиже нас поминай, на
земли тебе поминающих.
Да ублажйтся достойно Пайсий, пощением бо, и
молитвами, и слезами Богови соединйся/ и вся
просвещает дух духовною благодатию.
Богородичен: Мати Дево Отроковице,/ Яже
Необыменнаго Бога плотию рождшая,/ Ангелов
слава и демонов язва, Богоневесто, / мое сердце,
у язвившееся грехом, цельбы Божественныя
сподоби.
Песнь 6
Ирмос: Житейское море, /воздвигаемое зря напа-
стей бурею, / к тихому пристанищу Твоему притек,
вопию Ти:/ возведи от тли живот мой, Многомило-
стиве.
Подвигом страданий твоих, преблаженне, / клас
Божественный добродетелей возрастил еси,! от
него же питавши благочестно восхваляющих тя, /
Пайсие преподобие отче наш.
Княже прошение, отче, со тщанием исполняя,/
храм Богоматере воздвйгл еси,/ в немже празднич-
ною радостию монахов множества веселятся,/
память твою прославляюще.