7-й день
211
Славный мученик, смотряя льстйваго мрежи,
простерты на земли, всюду прохождаше, / души
ученьми благочестивых утверждая благодатию.
Богородичен: Премногим милосердием небеса
преклонь, снйде Сын Божий/ и из Тебе воплотйся,
Чистая, спасая человека от прелести змийны.
Песнь 3
Ирмос: Несть свят,/ якоже Ты, Господи Боже
мой,/ вознесый рог верных Твоих, Ближе,/ и
утвердйвый нас на камени/ исповедания Твоего.
Выну взирая к Богу очесы умными, приенопа-
мятне мучениче,/ не чул еси ран, телесй прибли-
жающихся, и муками всюду одержим.
Никакоже, мучениче, прилоги болезненными
поколебался еси, ни ласкании беззаконных,/ на
камени твердыя веры Христовы водружен, славне
Феодоте.
Сокрушая тело многими ранами,/ гонитель не
возможе отнюд твоей крепости душевныя разсла-
бити,/ Божественною любовию Спаса, блаженне,
утверждаемь.
Богородичен: Видев Твоего издалеча лик проро-
ческий Богогласный таинства глубину, / многооб-
разными гласы Богу Матерь Чистую Тя пропове-
дует, Пречистая Богоневесто.
Седален, глас 1.
Подобен: Гроб Твой:
Многосветлая звезда, даровании чудесными и
страдании священными озаряя тварь,/ Феодоте
блаженне, войстинну был еси./ Темже днесь
светоносную твою память празднующе, / в веселии
сердца Христа величаем.
Слава, и ныне, праздника или Богородичен:
Безневестная Чистая Богородице Дево,/ едина
верных Предстательнице и покрове, / бед, и скор-
бей, и лютых обстояний всех избави,/ на Тя
упование, Отроковице, имущих,/ и души наша
спаси Божественными молитвами Твоими.