230
Месяц июнь
Не презри, святителю Феодоре, притекающих к
предстательству твоему / и всем полезная молитва-
ми твоими испроси.
Богородичен: Пресвятая Дево,/ молйся Сыну
Твоему и Богу нашему,/ да сохранит град сей и
люди заступлением Твоим.
Песнь 6
Ирмос: Житейское море, I воздвизаемое зря напа-
стей бурею,/к тихому пристанищу Твоему притек,
вопию Ти:/возведи от тли живот мой, /Многомило-
стиве.
Неуклонным разумом простирался ко Христу
Богу,/ многокозненнаго врага стрелы притупил
еси,/ Феодоре, отче наш.
Разреши ны от греховных соуз и зол
безчисленных / молитвами твоими, святителю
Феодоре.
Божественным поучаяся,/ в мысленная же свя-
тая святых восходя,/ верных озарил еси смыслы,
открыв им таинство Пресвятыя Троицы, / священ-
ный отче Феодоре.
Богородичен: Воспойте, вси вернии,/ пойте же
Возсиявшему боголепно из чрева Неискусомуж-
ныя.
Кондак, глас 3:
Я ко велие солнце,/ возсия преславная память
твоя, премудре Феодоре, / в нейже подававши в
бедах сущим спасение,/ притекающим к тебе
усердно,/ благодатию, еюже облагодатй тя
Христос/ в жизни нескончаемой.
Икос:
Духовныя ради мудрости, / Православный веры
учитель явился еси, Феодоре всеблаженне, / чисто-
ты же ради душевныя и телесныя,/ достойна
архиерейства обрете тя Христос Бог, / и упасл еси
врученную ти паству, / по преставлении же чудес
дарованием обогатился еси./ И нас причастники
благодати сотвори, / еюже облагодатй тя Христос
в жизни нескончаемой.