508
Месяц июнь
Да телес покажет востание Живоначальник, /
возставляет мертвеца,/ отнюд не имуща дыхания
плбтию,/ пророка показуя пречестное.
Ныне в Божественнем покои Бога молиши,
чу дне, / блаженство улучйти присно тя блажащим.
Богородичен: Радуйся, Богородице, Мати Хри-
ста Бога,/ Егоже родила еси, моли согрешений
оставление даровати/ верою воспевающим Тя.
Ин
Ирмос: Яко сотвори мне величия Сильный,/ и
свято Имя Его,/ и милость Его в род и род
боящимся Его.
Святителей красота, монахов удобрение, всех
верных образ,/ Церкве пастырь и православных
степень ты еси, Мефодие.
Илиину ревность стяжав, исполнил еси студа
беззаконныя иереи, / воплощения Господня непок-
ланяющихся образу, мудре Мефодие.
Ликуя со Ангелы пред лицем Избавителя и
славы Его наслаждался, / молитвами твоими нас от
всяких искушений избави, Мефодие.
Богородичен: Поем Твое рождество и славим из
Тебе Рожденнаго, / яко Бога же и Человека, Мати
Дево Чистая,/ Егоже моли прилежно помиловати
нас.                             *~* •
Светилен.
Подобен: Небо звездами:
Илиину благодать сугубу приял еси от Бога,
Елисеев Богоблаженне, / и просящим у тебе верно
сугубо исцеления даеши,/ душам же и телом.
Слава, святителя.
Подобен: Учеником, зрящим:
Приидйте, вернии, поем Божественную память
святителя днесь Мефодия,/ в рове преисподнем
ввержена, / да души избавит, погребенныя во тьме,
от лукаваго нечестия.
И ныне, праздника или Богородичен:
Препетая Дево и Богородице, Бога неизреченно
рождшая,/ прилежно моли Сына Твоего о нас,
рабех Твоих, / ущедрити и спасти любовию хваля-
щих Тя.