14'й день
511
Царств четвертых чтение (глава 4):
Бысть во един день, и прейде Елиссей в Соман, /
и ту жена велия и удержа его снести хлеба;/ и
бысть ему входйти и исходйти множицею,/ и ук-
лоняшеся тамо ясти хлеба. / И рече жена к мужу
своему: / се ныне разумех, яко человек Божий свят
сей,/ мимоходит нас присно./ Сотворим убо ему
горницу место мало/ и поставим ему тамо одр, и
трапезу, и престол, и свещник,/ и будет внегда
входйти ему к нам, и уклоняется тамо. / И бысть во
един день, и внйде тамо, и уклонйся в горницу, и
спа тамо,/ и рече ко Гиезйю, отрочищу своему:/
призови ми соманйтяныню сию. / И призва ю, и ста
пред ним. / И рече ему: / рцы убо ей: / се удивила
еси нас всем попечением сим:/ что подобает
сотворйти тебе? / Аще есть тебе слово к царю, или
ко князю силы?/ Она же рече:/ несть, посреде
людей моих аз есмь живущи. / И рече ко Гиезйю: /
что подобает сотворйти ей?/ И рече Гиезйй,
отрочищ его: / войстинну сына несть у нея, и муж
ея стар. / И рече: призови ю. / И призва ю, и ста при
дверех./ И рече Елиссей к ней:/ во время сие,
якоже час сей живущи,/ ты зачнеши сына./ Она
же рече: / ни, господине, не солжй рабе твоей. / И
зачат во чреве жена,/ и роди сына во время сие,
якоже час сей живущи,/ якоже глагола к ней
Елиссей. / И возмужа отрочищ, и бысть, егда изыде
ко отцу своему, к жнущим, / и рече ко отцу своему: /
глава моя, глава моя болит./ И рече ко отроку:/
неси его к матери его. / И несе его к матери его. / И
лежаше на колену ея до полудне, и умре./ И
вознесе его, и положи его на одре человека
Божия,/ и затвори его, и изыде,/ и призва мужа
своего, и рече ему: / поели ми убо едйнаго от отрок
и едино от ослят,/ и теку до человека Божия и
возвращуся. / И рече: что яко ты йдеши к нему
днесь? / не нов месяц, ниже суббота. / Она же рече:
мир. / И оседла осля, и рече ко отрочищу своему: /
веди и иди, да не удержйши мене, еже веести,/
якоже реку тебе:/ гряди, и иди, и приидй к
человеку Божию, в гору Кармйльскую./ И йде и
прийде до человека Божия в гору Кармйльскую./