512
Месяц июнь
И бысть яко виде ю Елиссей грядущую/ и рече к
Гиезйю, отрочищу своему:/ се убо соманйтяныня
оная, / ныне тецы в сретение ея, и речеши ей: / мир
ли тебе? / И тече во сретение ей и рече ей: мир ли
тебе?/ Мир ли мужу твоему? мир ли отрочищу
твоему? / Она же рече: мир. / И прийде к Елиссею
на гору, и ятся за нози его. / И приблйжися Гиезйй
отрйнути ю./ И рече Елиссей: / остави ю, яко душа
ея болезненна в ней, / и Господь укры от мене и не
возвести ми./ Она же рече:/ егда просйх сына у
господина моего? / яко рекох: не прельсти мене. / И
рече Елиссей ко Гиезйю: / препояши чресла твоя,
и возмй жезл мой в руце твой,/ и иди, яко аще
обрящеши мужа, да не благословйпш его,/ и аще
благословит тя муж, не отвещай ему,/ и возложи
жезл мой на лице отрочища./ И рече мати
отрочища: / жив Господь, и жива душа твоя, аще
оставлю тебе. / И воста Елиссей и йде в след ея, / и
Гиезйй йде пред нею./ И наложи жезл на лице
отрочища,/ и не бе гласа, и не бе слышания./ И
возвратйся в сретение его, и поведа ему, глаголя: /
не воста отрочищ. / И внйде Елиссей в храмину./
И се отрочищ умерый положен на одре его./ И
внйде Елиссей в дом, и затвори двери за двою
собою, / и помолйся Господу. / И взыде, и ляже на
отрочищи./ И положи уста своя на устех его,/ и
очи свой на очи его,/ и руце свой на руце его, и
плесне свой на плесну его,/ и слячеся над ним, и
дуну на него,/ и согреяся плоть отрочища./ И
обратйся и походи в храмине сюду и сюду;/ и
взыде, и слячеся над отрочищем седмйжды,/ и
отверзе отрочищ очи свой. / И возопи Елиссей ко
Гиезйю, и рече: / призови ми соманйтяныню сию. /
И призва ю. И внйде к нему. И рече Елиссей:/
приимй сына твоего./ И внйде жена, и паде на
ногу его и поклонйся ему до земли, / и прият сына
своего, и изыде.
На литии стихиры, глас 2. Самогласны:
Светйльницы возсияша вселенней два: / всесвет-
лый Илия и Елиссей./ Ов убо Божественным
словом небесныя капли затвори и царя обличи,/
на колеснице же огненней на небеса вознесеся;/