3-й день
79
вати,/ от видимых и невидимых враг православ-
ный люди невредимы сохранйти, да зовем ти:
радуйся,/ ты бо еси утверждение граду нашему.
Седален, глас 8.
Подобен: Премудрости:
Яко цвет прекрасен, процвел еси во отечествии
своем, благородие Димйтрие,/ ймаши бо мощи
своя, пребывающа во святем храме и лежаща в
честней ране, / якоже речеся, целы и невредимы, /
яко крйни благоухании и яко шйпки добровонни, /
обоневают всех, приходящих к ним с верою,/ и
удивляют зрящия на них и вопиющия:/ слава
Богу, прославляющему Своя угодники.
Слава, и ныне, Богородичен:
Богоблагодатная Мати, Благодателя моего
рождши,/ благодатную ми- подаждь мысль,/ да
облагодачуся Твоею благо датию, / да не заблужу-
ся в пути пропастныя,/ да избавлюся от сети
лукаваго борца/ и паки да не погрязну в тине кала
греховнаго, / да не буду мучен в геенне огнене, / да
воспеваю Тя, Владычице.
Песнь 4
Ирмос: Слыша древле Аввакум, Христе, чудный
Твой слух/ и страхом взываше:/ от юга Бог
приидет и Святый от горы приосененныя чащи/
спасти помазанный. / Слава силе Твоей, Господи.
Земля Русская вся хвалится тобою, благородие
Димйтрие, / яко царствующий град Москва имеет в
себе мощи твоя, яко некое сокровище драго,/
обогащающее верныя люди, вопиющия Христу:/
слава силе Твоей, Господи.
Йже повелением царя, царству тезоименйта, /
пренесени бьппа честньш твоя мощи от града
Углеча в царствующий град Москву,/ яко некое
богатство велико. / Тогда вси людие возрадоваша-
ся и воспеша Христу: / слава силе Твоей, Господи.
Йстинствоваша чудеса от праведных мощей
твоих в приход честнаго их пренесения:/ мнози
недужнии от недуг своих исцелевахуся и здрави
бываху, / и, радующеся, в домы своя отхождаху, и
Христу поюще:/ слава силе Твоей, Господи.