зеленые минеи / июнь / том 1 страница 83



	3-й день 83

	Песнь 8 Ирмос: Чуда преестественнаго/ показа образ огнердсная пещь древле, / огнь бо не опали юный дети, / Христово являя безсеменное от Девы Боже- ственное рождество. / Тем, воспевающе, воспойм:/ да благословит тварь вся Господа / и превозносит во вся веки. Честная рака мощей твоих, благородие,/ паче злата и сапфира сияет./ К ней бо притекающе, царие, и князи, и святйтелие, / и многое православ- ное христианство/ благодатное осенение от мо- щей твоих приемлют и поют: / вся дела Господня, Господа пойте/ и превозносите Его во веки. Шум поющих красен бывает во святых храмех, / паче же идеже лежат ныне праведныя твоя мощи, в день честнаго их пренесения./ Царь же и архиерей великий со священными соборы светло празднуют, / и вси людие срадуются, и веселятся, и поют:/ вся дела Господня, Господа пойте/ и превозносите Его во веки. Щедрый Господь наш и Бог, ваших ради к Нему молитв,/ щедрит и милует нас и подает нам вся благая и полезная./ Тем радуемся и веселимся и хвалу Ему, Творцу своему, воздаем и поем:/ вся дела Господня, Господа пойте и превозносите Его во веки. Яко свеща светла, непорочная твоя душа Госпо- деви предста/ и потом во уготованное ей место несена бысть,/ идеже Он Сам, всевидящее око, весть, / Емуже ныне поем и славословим: / вся дела Господня, Господа пойте и превозносите Его во веки. Богородичен: Из ложесн Твоих неизреченно пройде Сын Твой и Бог наш,/ Пречистая Дево Владычице,/ и рождеством Своим весь род чело- веч от идолослужения свободй. / Тем и аз, убогий и недостойный раб Твой, молю Ти ся,/ яко да Твоими к Нему матерними молитвами / свободйт и мене от удержаннаго греха моего. Песнь 9 Ирмос: Светоносный облак, в оньже всех Влады- ка,/ яко дождь с небесе на руно, спиде I и