24-й день                                                                                                   293
Слава, глас 5. Андрея Крйтскаго:
А Пророков предел и начало апостолов,/ земнаго
Ангела и Небеснаго человека, / глас Слова, воина
и Предтечу Христова,/ от обещания пред-
взыгравшася/ и проповедавша прежде рожде-
ства Солнца правды,/ днесь Елисаветь раждает,
и радуется,/ и чудится Захария в старости,/
молчание, аки узу обложенну, отложив,/ и яко
родитель гласа пророчествует явленнейше:/ ты
бо, отроча, пророк Вышняго наречешися/ и
предъйдеши пути готовити Ему./ Темже, Ангеле,
пророче, апостоле,/ воине, Предтече,/ Крестите-
лю, и проповедниче покаяния, и наставниче, / яко
глас света, Слова,/ непрестанно молйся о нас,/
верою творящих твою память.
И ныне, глас тойже: Храм и дверь еси:
На стиховне стихиры самогласны, глас 2:
Йже от пророка пророка / и неплодныя прозябе-
ние,/ в рожденных женами превышша всех,/
пустыннаго гражданина, Иоанна славнаго / псал-
мы и пеньми и песньми духовными восхвалим,/
вопиюще к нему:/ Крестителю Спасов и Предте-
че,/ яко имея дерзновение,/ в честнем твоем
рождестве/ умоли Христа даровати мир миру/ и
душам нашим велию милость.
Стих: Благословен Господь, Бог Израилев, / яко
посети и сотвори избавление лтодем Своим.
Прийде глас благодати Слова,/ Солнца пропо-
ведник,/ родйвыйся днесь от неплодове безчад-
ныя,/ от обетования Иоанн Предтеча./ Людие,
радуйтеся: / прийде уготовати путь нам спасения, /
Емуже и, взыграв, поклонйся,/ во чреве сущу
Материи,/ Агнцу, вземлющему грехи мира/ и
подающему нам велию милость.
Стих: И ты, отроча,/ пророк Вышняго нарече-
шися.
Иже из чрева материя освящся/ и пророчества
прием исполнение, / днесь от неплодныя раждает-
ся,/ Господне пришествие проповедая ясно:/ по-
кайтеся, приблйжися бо Царство Небесное.