346
Месяц июнь
Кйя умиленныя гласы принес6ша Ти тогда,
Богородице,/ зрящий светоносную икону Твою,/
чудно на воздусе стоящую / и светозарными луча-
ми сияющую,/ благочестйвии людие?/ Точию с
рыданием моляхуся, / с плачем взывающе: / приидй
к нам, Царице, снйди, Владычице,/ низпослй
щедроты Твоего человеколюбия, / посети ны свы-
ше, / просвети омраченный Твоим светозарным
пришествием, / и неотступна буди во веки, / мйро-
ви богатно подающи велию милость.
Что Ти принесем, Пресвятая Дево,/ за многую
Твою благостыню и человеколюбие?/ Яко прес-
лавно по воздуху низпослала еси/ земли Россйй-
стей Божественное Твое дарование, / многочудес-
ную Твою икону, Богоотроковйце Чистая,/ от
неяже Божиею благодатию чудесы происходящи-
ми бед избавляемся, / и изобильно приемлем душам
же и телом/ от всяких болезней исцеление,/ и
непрестанно почерпаем велию милость.
Ины стихиры, глас 5.
Подобен: Радуйся:
Радуйся, надеждо наша, Богородице Чистая,/
радуйся, радость Ангелом приимшая. / Радуйся,
рождшая Отчее сияние, / радуйся, благословенная
Чистая Пресвятая Дево, / едина Всепетая. / Радуй-
ся, христианом в бедах скорая Помощнице/
и теплая Заступнице,/ радуйся, православия
похвале высокая/ и славо превознесенная,/
рождшая Пастыря добраго, / нас, заблуждших,
взыскавшего / и греховными пленйцами связан-
ных разрешйвшаго, / подающаго мйрови велию
милость.
Радуйся, Пресвятая Дево,/ спасения нашего
Ходатаица,/ Ты источила еси всем радость и
благословение,/ рождши без семене плотию Ис-
точника благ,/ краснейшаго добротою паче всех
сынов человеческих, / Иисуса, всего мира Избави-
теля,/ и на пречистую руку Твоею Того носила
еси./ И ныне пречистым образом видим Его,/
человеколюбие и светозарно с Тобою пришедша /
к нам на исцеление немощей телесных/ и во
спасение душ наших.