16-й день
41
Песнь 9
Ирмос: Благословен Господь, Бог Израилев,/
воздвйгнувый рог спасения нам/ в дому Давйдове,
отрока Своего,/ в нйхже посети нас Восток с
высоты/ и направил ны есть на путь мира.
Мира преобйдев, богатство же и славу, яко
прах, вменив, / Христа едйнаго возлюбил еси / и, к
Тому потщався усердно прийти, вселился еси в
пустыню, / в нейже обрел еси правый путь, / ймже
неблазненно прешел еси к желаемому ти Владыце
Христу,/ постом, и молитвами, и всенощным
стоянием.
Христовым рачением паче огня распалаемь,/
настоящая же и мимотекущая, яко уметы, вменив, /
страсти телесныя, яко пленника веригами, постом
связал еси/ и духови повинулея еси,/ сего ради
страшен врагом явился еси/ и славен человеком,
Тихоне преподобие.
Очистив ум свой, преподобие, /ив пустыни, яко
в царских чертозех, со многим веселием живый,/
душетленныя страсти воздержанием умертвил
еси, / и слезными потоки лукаваго змия, яко в мори,
погрузил еси, / и, яко прах, того без вести сотворил
еси,/ досточудне отче наш Тихоне.
Богородичен: Ты еси, Пречистая, всему миру
прибежище, Богородйтельнице Марйе,/ мирских
мя соблазн и страстей телесных свободй,/ и
вечнующия муки и геенны избави, / и причастника
мя сотвори Небесному Царствию ходатайством
Твоим, Владычице.
Светилен, глас 8.
Подобен: Жены, услышите:
Процвел еси, яко финике, давйдски, отче,/ и
обитель явился еси Духа Пречйстаго, / Иже славна
тя вселенней показа./ О нас непрестанно моли,/
почитающих верою пречестную память твою,/
преподобие отче наш Тихоне.
Слава, и ныне, Богородичен:
Тя песньми немолчными ублажаем, Дево, / яко от
Троицы Едйнаго родила еси, Богородице,/ и
носищи на Божественную руку Пребогатое Сло-
во,/ Еже непременно и неизменно.