484
Месяц июнь
По 2-й кафизме седален, глас 3.
Подобен: Божественный веры:
Божественный трубы Утешителя, возглашающе
дыхание словес спасения, миру возгласите / и иже
во мраце прелести спящия к свету Богоразумия
возставивше, приведите,/ Божественнаго Света
апостоли, моляще Христа Бога спастйся душам
нашим.
Слава, и ныне, Богородичен:
Божественнаго естества не отлучся, плоть быв
во чреве Твоем, / но Бог вочеловечся и пребысть,
Иже по рождестве Матерь Тя Деву,/ яко прежде
рождества, сохранив Всенепорочну, един Гос-
подь,/ Того прилежно моли даровати нам велию
милость.
Канон Петра и Павла, со ирмосом на 8, егоже
краегранесие: Петра почитаю, Павла пою разум-
но. Глас 4.
Песнь 1
Ирмос: Отверзу уста моя, / и наполнятся Духа, / и
слово отрыгну Царице Матери, / и явлюся светло
торжествуя, / и воспою, радуяся, Тоя чудеса.
Подаждь ми, Господи, Пресвятаго Твоего Духа
капли дарований, слово нарочито,/ и возвеселю-
ся, верно похваляя первых апостол Твоих исправ-
ления.
Оставил еси, прехвальне Петре, усердно
временная / и Христовым стопам последовал еси, /
неверство же оставив, Павле, и Призвавшему тя
последовал еси.
Благодать, апостоли, существенне нашедшую
вам, приемше Божественнаго Духа,/ проидосте
землю всю, Петре и Павле, учаще концы.
Богородичен: Витййстии многовещаннии и му-
сикййстии велегласнии язьщы / Тя не могут чтйти
или пети, Чистая: / паче бо человека содеяшася в
Тебе едйней Божественная таинства.
Ин канон 12-ти апостолом, на 6, егоже краегра-
несие: Христовы почитаю мудрыя апостолы.
Феофаново, глас тойже.