30-й день
489
Песнь 6
Ирмос: Божественное сие и всечестное/ совер-
шающе празднество,/ Богомудрии, Богоматере,/
приидите, руками восплещим, / от Нея рождшаго-
ся Бога славим.
Светла Петрова чудеса,/ честна же и Павлова
знамения:/ ибо ризы и сени их недуги болящих
исцелевают, прилагаемии.
Петр войстинну славный и Павел поистине
чудный,/ двоица Божественная и честнейша жи-
лища Живоначальныя Троицы / всеми поминается.
Болящих души и телеса, яко Божественный
врач изряден, Петр исцели, / Павел языки озари / и
светом Господним назнамена.
Богородичен: Пети Тя должни есмы, но войстин-
ну по достоянию не можем./ Темже поем Тя
молчанием,/ чтуще несказанное, еже на Тебе,
Дево, содеянное таинство.
Ин
Ирмос: Пожру Ти со гласом хваления, Господи, /
Церковь вопиет Ти,/ от бесдвския крове
очищшися/ ради милости от ребр Твоих/ истек-
шею Кровию.
Утвердив ученики Твоя, Спасе, премудростию и
чудесы,/ сйльнейшия соделал еси еллинскаго
буесловия,/ и сих прелестная разрушйша
веления.
Божественныя реки премудрости/ наполниша
спасительных вод удолия вся церковная,/ от
источник спасительных струями обогащше.
Явльшеея животныя звезды, прехвальнии, / ра-
зорйсте всю мрачную прелесть светозарными
сиянии/ и Богоразумия свет возсиявше.
Богородичен: Всю Тя, Голубицу совершенну и
предобру, / светлый обрет крин и удольный цвет, о
Богомати,/ Жених мысленный в Тя вселйся.
Кондак, глас 2.
Подобен: Вышних ища:
К амень Христос каменя веры прославляет свет-
ло,/ учеников преизрядна,/ и с Павлом весь
дванадесяточйсленный собор днесь; / йхже память
совершающе верно, / сих Прославльшаго прослав-
ляем.