Пренесение мощей святаго благовернаго царя
великомученика Стефана Уроша третияго,
Дечанскаго, Сербскаго
НА МАЛОЙ ВЕЧЙРНИ
На Господи, воззвах: стихиры, глас 1.
Подобен: Всехвальняи мученицы:
О т благочестйваго корене Немани,/ святопома-
занная розга, произшед,/ плод принесе себе
преподобия и правды, / премйрно благоухая верно
чтущия тя,/ о нйхже со Ангелы Христу молйся,
блаженне Стефане,/ даровати нам мир и велию
милость.
Земных всех возгнушався, / к Небесным духом
прилепил еси себе,/ тем Безплотных подражав
житию,/ отрасле царскаго корене и постниче-
ства,/ со святыми всеми водворился еси,/ с
нймиже, великомучениче сербский Стефане,/
Христу молйся, / память твою творящим о пренесе-
нии мощей/ подати мир и велию милость.
Благочестием и верою пресветло украшен, / яко
благочестив скиптроносец / и преизряден и
непременен/ Пресвятыя Троицы поборник велик
быв,/ не был еси меньший верою и желанием/
прародителей твоих, Симеона и Саввы,/ от нйхже
просветйвся чудесы, / свет миру провозсиял еси / и
молитвенник явился еси о душах наших.
Слава, глас 4:
Страстотерпче, великомучениче славный Сте-
фане,/ измлада возлюбив Христа,/ богоименйт
венценосец был еси,/ преподобием и правдою
светло украшен,/ милостынями же и чистотбю/
пространное селение был еси Духа Святаго,/
Емуже непрестанно молйся,/ о еже сохранйти
отечество твое / и обитель твою со йноки от поган
враждующих/ и сыновом сербским необоримым
быти и спастйся.