60
Месяц июнь
Слава, и ныне, тойже.
Степенна, 1-й антифон 4-го гласа. Прокимен,
глас 4: Помяну имя Твое/ во всяком роде и роде.
Стих: Слыши, Дщи, и виждь, и приклони ухо Твое.
Всякое дыхание: Евангелие от Луки, зачало 4.
По 50-м псалме стихира, глас 6:
Не ввери мя человеческому предстательству, /
Пресвятая Владычице, / но приимй моление раба
Твоего, / скорбь бо обдержйт мя, / терпети не могу
демонскаго стреляния,/ покрова не имам,/ ниже
где прибегну, окаянный,/ всегда побеждаемь,/ и
утешения не ймам, разве Тебе, Владычице мира,/
упование и предстательство верных,/ не презри
моление мое,/ полезно сотвори.
Канон, глас 4.
Песнь 1
Ирмос: Отверзу уста моя, / и наполнятся Духа, / и
слово отрыгну Царице Матери, / и явлюся, светло
торжествуя,/ и воспою, радуяся, Тоя чудеса.
Благоговеют пред Тобою, Богородице, Ангелов
начальницы/ и святых чини честно служат Ти,/
праведнии красуются, князь же Андрей молится, /
и град Владимир похваляется светло./ Мы же,
грешнии, припадая к Твоей святой иконе, Боголю-
бйвая, милости просим:/ озари наша сердца,
Пресвятая Дево Богородице.
Князь Андрей вопияше со слезами:/ Пресвятая
Царице Богородице, упование христианом, / умо-
ли Сына Своего, Христа Бога нашего, о державе
Твоей,/ Ты бо изволила еси в пределех страны
Владимирский / обители Своей славно создатися
во имя Твое, Боголюбйвая.
Приидйте, христоименйтии людие,/ умы тайно
очйстившеся, / притецем в храм Матере Христа
Бога нашего,/ Боголюбймое место страны Вла-
дймирския/ яко Богоприятное селение вйдяще:/
в нем бо являет нам Свою милость Владычица.
Под кров Твой, Богородице Дево, прибегаем вси,
роди человечестии: / просвети, Боголюбйвая, ме-
сто святое торжества Твоего, / и мы, грешнии рабй
Твой, молящеся Пречйстей Твоей иконе,/ просим
от Тебе прийти великия милости.