13-й день
69
ныне на помощь призываем:/ Госпоже Царице
Богородице, / спаси и сохрани правоверныя люди
Твоя, Боголюбйвая.
О Всемилостивая христианом Помощнице!/ Не
может Тя воспети достойно ум человеческий и
ангельский,/ яко всея твари Честнейшую, Небес-
ных и земных сил славнейшую,/ всех бо Творца
родила еси и Бога./ Но, о Владычице!/ приимй
милостивно наше моление,/ всегда бо на Тя
надеемся.
Ин, ирмос тойже
Всяк земнородный в сей день, Святым просвеща-
емый Духом,/ весело радуяся Горних умов есте-
ству, / тайно поющему зде, да внемлет очищенным
слухом,/ вся да поклонится тварь девственному
Рождеству.
Иноков лики и дев, Пречйстыя праздник почти-
те,/ мужи, и жены, и вси, радостно днесь к
торжеству/ с нами сошедшеся зде, псаломски
играюще, рцыте:/ Дево, да будет во век честь
Твоему Рождеству.
Верных пресветлый собор, Пречистая, днесь
назирает/ свыше Свою благодать, душ и телес
врачевство,/ грешным прощение, всем ослабу
долгов обещает: / Матерь бо слышит Свою присно
Той Рождество.
Боголюбйвей воздах устен похвалу и молюся:/
буди Споручница ми, храме святый Божества, в
час испытания дел,/ егда пред судйщем явлюся,/
Дево, умйлостиви суд Твоего Рождества.
Светилен.
Подобен: Посетил ны есть:
Боголюбскому древле Андрею представшая/ и
икону источник чудес показавшая, / Боголюбйвая
Мати песненно днесь да почтйтся.
Слава Отцу, и Сыну, и Святому Духу:
Тя Предстательницу имамы, грешнии, о Пресвя-
тая Дево: / Ты благопременна сотвори Сына Тво-
его и Бога нашего / матерними Твоими молитвами.