16-й день
9
отче наш./ Темже священия приял еси зарю,/
дарования исцелений изливавши верою к покрову
твоему притекающим,/ Тихоне блаженне.
Слава, и ныне, Богородичен:
Едина, рождшая Творца всему, / едина, украсив-
шая человечество Рождеством Твоим, Богоневе-
сто, / избави мя от сети льстйваго врага, / постави
мя на камени Христовых хотений,/ Того молящи
прилежно, Егоже воплотила еси.
Крестобогородичен:
Дево Пренепорочная, Мати Христа Бога, / ору-
жие пройде Твою пресвятую душу, / егда распина-
ема видела еси волею Сына и Бога Твоего. / Егоже,
Благословенная, молящи не престай прощение
прегрешений нам даровати.
Песнь 4
Ирмос: Ты моя крепость, Господи,/ Ты моя и
сила, / Ты мой Бог, Ты мое радование, / не оставль
недра Отча/ и нашу нищету посетив./ Тем с
пророком Аввакумом зову Ти:/ силе Твоей слава,
Человеколюбче.
Прием, отче, крепость Духа, непобедим явился
еси и неутолим/ и укреплявши, якоже воевода,
воины, ко устремлению призывая./ Темже и без
крове твою победу поставль, мучения венец приял
еси.
Освящся, Тихоне, Богу, совершая священный
законы, пожил еси,/ а не якоже наятый пастырь,
но по стаде душу твою полагая./ Темже, волки
убив, к пажити живоносней Христово наставил
еси стадо.
Твою честную войстинну почитает память/
Кипрский остров, ликуя со всею землею, / и еже в
нем излиянием чудес поведая, приложи к видению
ныне единаче/ зрети хотящим сад преславнаго
прозябения.
Богородичен: Свет от Света, просияв бездетно,
Сыне Отечь,/ в последняя от ложесн прошел еси
Девических, / всего Адама, древле умерщвленнаго,
Собою исправляя. / Темже Твою Матерь,Богор6ди-
цу войстинну, чтуще, вернии, проповедаем.