104
Месяц март
державы крепкий,/ и ныне, отче, умиротвори ны
Христу Богу, /во еже с Ним в Небесных селениих
нам водворйтися.
Мудрость Божию Ипостасную, / первоначаль-
ную Главу Церковную,/ Превечное Слово Божие,
Христа Бога воплощенна, / соблюл еси, Богомудре
Данииле, благотщательством, / Юже в благодатное
человекосостояние имети сотвори,/ молимся, мо-
литвами твоими.
Благородием твоим душевным/ проразсудйв,
тезоименне Данииле, суд Божий,/ яко от Бога
Всетворца в бытность зде приидохом, / и телесным
благородием в духовнаго человека стался еси,/
соединйвся Господу Иисусу, яко уд благочести-
вый,/ удесем нам тела Христова быти, помолйся.
Слава, глас 6:
Благознаменйто боголюбйвым душам / днесь ра-
доватися подобает / и ликовствовати торжествен-
не,/ созывает бо вся благочестйвыя народы,/
Богоугодный великий князь Москворосский, / ан-
геловйдный схимонах отец Даниил / памятию воз-
шествия своего на высоту Небесную,/ идеже
Божественнаго Триипостаснаго зрения сподоби-
ся. / Зде же остави честный и святыя своя мощи / во
изрядную притекающим, видящим и лобызающим
тыя пользу, / во врачевание душевных страстей и
телесных./ Темже, вси, приидйте/ и богохранймое
сокровище?чудотворйвыя мощи во обители его
святей видите./ Насладйвшеся же оных лобзани-
ем, / богомудренне восхвалите Всеблагаго Владыку
Бога/ и Пречистую Деву Богородицу Марию,/ да
святаго сего молитвами/ спасет души и телеса
повсюду благочестивых.
И ныне, Богородичен:
бко сердца моего вое пущаю к Тебе, Владычице: /
не презри малаго моего воздыхания,/ в час, егда
прийдет судйти Сын Твой миру, / буди ми Покров и
Помощница.