1-й день
11
Треволнения бед сокрушила еси крестным
ядрилом / и душевное кормило в Царствия Божия
пристанища спасла еси, славная,/ благословящи
Христа во веки.
Безобразия страстей совлеклася еси/ и душу
обложила еси красною одеждею безстрастия, /
темже Христос, тя невесту обручив, / в Небесныя
всели храмы.
Богородичен: Свобождается Тобою прабаба,
Богородице, осуждения,/ и се ныне жены страж-
дут за Христа,/ и радуется естество женское,/
якоже первомученица вопиет, дева Фекла.
Песнь 9
Ирмос: От Бога Бога Слова,/ неизреченною
мудростию пришедшаго обновйти Адама, / ядию в
тление падшаго люте, / от Святыя Девы неизречен-
но воплотйвшагося нас ради, / вернии, единомуд-
ренно песньми величаем.
Лица твоего зрение духовною зарею,/ якоже
солнце, возсиявши, чистая,/ странно показашеся
видение зрящим неверным, / ибо, якоже возлюбив-
ши Христа,/ от Него прославилася еси достойно,
всечестная.
Души твоей свещу вжегши, мученице, елеем
кровей твоих светло,/ радующися, ныне вошла
еси в Божественный невестник Христов с мудры-
ми девами, / с нймиже поминай всех, верою хваля-
щих тя.
От терновыя прелести, яко шйпок, Богомудрая,
сладкоуханен, израсла еси красно/ и верных
облаговонила еси души, Бвдокйе,/ неверных же
отразила еси твердо смрад прелестный,/ темже тя
блажим.
Совершающих любовию молебную память твою, /
к Богу и Избавителю, мученице чистая, молитвами
от всяких бед спаси/ и мою душевную скверну,
йже худо тя воспевшаго, отмый.
Богородичен: О нас молящи Сына Твоего не
престай, Дево, Человеколюбца Бога, / Тя бо надеж-
ду стяжахом / и Твоим предстательством избавля-
емся бед, и страстей, / и прегрешений, и болезней,
верою Тя славящий.