134
Месяц март
тебе притекающий,/ избавляй от бед молитвами
твоими, святе.
Богородичен: На Тя, яко дождь на руно, сошед,
Богородице, Спас,/ изсушй яве токи безбожия,/
души же напоив присно чтущих Тя.
Кондак, глас 8:
О т юности, премудре, мирскйй мятеж оставил
еси, / и многоценный ризы тленныя возненави-
дел еси,/ и святую одежду ангельскую любезно
восприял еси, / и ту соблюл еси в чистой совести / и
во благих делех, и до преставления своего / бысть
Божественнаго ради жития Троицы селение/ и
просветил еси верою приходящия к тебе;/ темже
вси зовем ти: / радуйся, отче Герасиме всечестный.
Икос:
Чудно и преславно житие твое, Богомудре отче
Герасиме, совершил еси:/ изволением бо Божиим
отечество и род оставил еси,/ и из полуденных
стран, богоспасаемаго града Киева,/ в полунощ-
ную страну, на место града нашего Вологды,
достйгл еси,/ и в нем, пречестную обитель соста-
вив, водворился еси./ Прорекл же, яко истинный
пророк; граду зде великому быти./ В той же
обители богоугодно в безчйсленных злострадани-
их пожив, преставился еси,/ жив же сый, и по
преставлении многоразличная чудеса в пользу
верных источавши. / Темже, предстояще честному
гробу твоему, радостно вопием ти: / радуйся, отче
Герасиме пречестный.
Песнь 7
Ирмос: Сущим в пещи отроком Твоим, Спасе, /не
прикоснуся, ниже стужи огнь./ Тогда трие, яко
едйнеми усты, пояху/ и благословляху, глаголю-
ще:/ благословен Бог отец наших.
Священнодействовал еси учением постническа-
го воздержания,/ весь Христово показася, отче,
благовоние,/ и верных лица благовонствуеши
присно,/ чудодействуяй паче ума.
Терпение стяжав многое, воздержание, веру и
любовь йстинну,/ явился еси отец сирот, вдовиц