18
Месяц март
веры,/ и спаси ны, Владычице, спаси ны,/ и
утверди посреде нас державу Твою.
Змиенравно днесь показуется стадо Твое,/ яко
ветром, обуреваеми есмы / и не можем терпети, / но
Ты, яко Благая, утиши воды пререкания/ и не
отвержи раб Своих,/ сохраняя нам и присно
милость Твою./ Аще не Ты, Богородйтельнице,
паче всех превознесенная,/ аще не Ты, о Стено
нерушимая и мйрове Радосте, / кто убо умолит за
ны Сына Твоего, Христа Бога нашего, / да помилу-
ет сокрушенных сердцем и скорбных людей Сво-
их. / Пред Тем же и буди Ходатаица неусыпная и
спаси нас.
Приидйте, вси вернии, / и, купно соборы сотвор-
ше,/ возопийм Державней Владычице/ и тако к
Ней возглаголем: / вси неключйми есмы,/ и того
ради припадаем к Ти, / и молим Тя со дерзновением
и верою, зовуще:/ не презри нас, окаянных,/
потщйся на умоление и спаси вся православныя.
Слава, и ныне, глас тойже:
Не надейтеся на князи преходящия: / ничесо бо
возмогут и, сыны человечестии суть, / изыдут, яко
былие, и никтоже их помянет,/ но молйтеся,
братие, молйтеся,/ и приймет вы под кров Свой
Матерь Бога нашего,/ и упокоимся, людие, под
рйзой Той.
Вход. Прокимен дне и чтения (зри страницы
359?360).
На литии стихиры, глас 1:
Страшен есть гнев Господень,/ на вся смертныя
належащ,/ но того ради показуется днесь и
заступление верным:/ се бо прийде Благодатная
во спасение людем Своим,/ и несть возмогйй
сокрушйти стадо Той, / зане всему мйрови Влады-
чица есть.
Слава, и ныне, глас тойже:
Правды Вышния чающе, / не о сем рыдайте, яко
истязуеми есте,/ и воскликните тако:/ вемы, яко
окаянни есмы,/ но не до конца прогневайся на
ны,/ молитвами же Богородицы спаси и вся
православныя.