2-й день
Истощание прийде на рабы Твоя,/ и дом наш
оставися празден и пуст./ Хожду и взываю, но
несть ми спасающа, / едина убо смерть отвещавает
на глас мой,/ и, рыдая, молю Тя и глаголю:/ не
отвержи мене и Ты, Дево Чистая, / да спасен буду.
Цветоносную простри, Владычице, руку Твою, и
оживет вертоград Твой, / и нищий обрящут хлебы
своя, и убозии ризы своя,/ и вси восхвалят имя
Твое,/ яко войстинну неизреченна есть милость
Твоя.
Егда восхощеши, никтоже сокрушит ны,/ яко
великое дерзновение обрела еси у Христа Бога,
Сына Твоего, / и, сие зряще, вопием Ти, Владычи-
це,/ да сохранйши и ны под кровом Твоим.
Православнии христианы, под Твою милость
днесь притекаем / и, явление честныя иконы Твоей
светло празднующе, сйце глаголем Тебе: / прости-
равши и нам, Благодатная, необоримую рйзу
Свою.
Разумейте, непокорйвии языцы, / и не хвалйтеся
о мышце своей, / зане един есть град несокрушим, /
и сия Твоя, Приснодево Владычице, Держава и
Царство,/ еже и стоит до скончания века.
Аз, егда и во узех, но Тобою, Отроковице Чистая,
выну свободь есмь, / и не в страх ми умаление мое
есть,/ но яко злату ? горнило и огнь,/ сие бо
разумея, славлю узы моя / и величаю Тя, Непороч-
ную Деву.
Песнь 5
Ирмос: Ужасошася всяческая/ о Божественней
славе Твоей:/ Ты бо, Неискусобрачная Дево,/
имела еси во утробе над всеми Бога/ и родила еси
Безлетнаго Сына,/ всем воспевающим Тя/ мир
подавающая.
Водворяет ны змий во юдоль плача и чаяний
злых. / Не можем убо терпети скорби своя, / но Ты,
Богородйтельнице, простиравши нам покров
Свой,/ и спасени будем от зол.
Отроковице Дево, спасла еси нас от работы
вражия, / и тем красно написася имя Твое:/
Царица мйрови Ты еси, и Держава Твоя даже до
последнего дне.