12-й день
311
Той просвещает и тя, треблаженне, / и равноапо-
стольна показует концем земли,/ и наставника
многих, и учителя Богомудрейша.
Отче Симеоне блаженне,/ ты, краснаго Христа
возлюбив теплейте,/ потекл еси вослед Боже-
ственней благодати, / дондеже всего Его ввел еси в
душу твою и сердце твое. / Оле любве твоей! / еюже
жил еси ты присно во Христе/ и в тебе такожде
присно живяше Той.
Углем Божественным, преподобие, устне при-
коснув,/ и ум изменйся Духом,/ и огнь весь был
еси,/ и огненная разумев словеса, Богомудре,/ и
проповедал еси, и рукою твоею сия написал еси, /
ймже приемлющий огнь и те бывают/ и тайно в
душу приемлют Божественное изменение.
Слава, глас 6:
Возсия днесь Церкви, / якоже звезда утренняя, /
Богослова Симеона честное торжество./ Приидй-
те убо, словес его рачйтелие, / воедино совокупль-
шеся, / богословными песньми к нему рцем, глаго-
люще: / радуйся, йже по первом Богослове Иоанне
и втором Богослове Григории / третий явился еси
Богослов и наперсник;/ радуйся, йже новаго
Израиля,/ яко столп огненный,/ вещественным*
исполнением заповедей/ в землю безстрастия
наставляяй известнейше; / радуйся, йже, яко
столп облачный,/ духовным видением/ к совер-
шенству возможному человеком возводяй, / моли о
нас, любовию совершающих память твою.
И ныне, Богородичен: Кто Тебе не ублажит:
Вход. Свете Тихий: Прокимен дне и чтения три
преподобническая (зри страницы 85?86)
На литии стихиры самогласны.
Глас 1: Небесный яко войстинну подобает имети
язык/ хотящим восхвалйти Симеона, Небеснаго
человека./ Сей бо в Дусе зрением несредственне/
соединйвся Святому по естеству, / свят по прича-
стию бысть; / Первому Свету свет вторый нарече-
ся, / и по существу Богу бог по благодати содеяся. /
* вещественным ? деятельным