50
Месяц март
Весь от юности облистал еси / жития добродете-
лей лучею, / всеблаженне святителю, / и люди твоя
просветил еси,/ и храм Пречйстыя воздвйгл еси
пречуден. / И ныне вселился еси, идеже Свет
невечерний,/ идеже ликостояния Ангел,/ с ними-
же предстоя, преподобие,/ поминай нас, святите-
лю Арсение,/ твою память совершающих,/ со
дерзновением моляся/ о душах наших.
Святитель Богоприятен/ и пастырь истинен,/
столп непревратен, / основание веры недвижимо, /
благочестия степень непоколебимый,/ забрало
Церкве нерушимое, / святителей доброта / и чудес
источник,/ Арсение, был еси./ Тем тя ублажаем
благочестйвно/ пеньми и песньми духовными/ и
всесвященную совершаем память твою.
Солнца светлейши/ просия нам память твоя,/
святителю Арсение,/ вседоблий отче священне,/
сего ради тя ублажаем, Богомудре,/ и молебно
воспеваем, / яко показался еси земли нашей чудот-
ворец, / и молебник, и предстатель теплейший./
Тем молйся Христу Богу / избавитися стаду твоему
от навета вражия,/ еже стяжал еси, мудре,/
молитвами твоими.
Слава, глас 6. Самогласен:
Приидйте, вси Россййския митрополии,/ всяко
отечество, градове и страны,/ архиерее, иерее, и
монаси,/ и вси людие, и всяк язык,/ стецемся к
честней памяти святителя преславно нашея зем-
ли,/ днесь в песнех и пениих восхвалим велйкаго
пастыря и учителя,/ Арсения Богомудраго,/ сей
бо измлада желание Божественно прийм в сердцы
своем / и ^ возлюбив Христа и Пречистую Его
Матерь, / ¬йже и обитель сотвори, / и храм честен
созда,/ и вельмй украсй, и множества монахов
собра./ Темже твое празднуем успение,/ вси
вернии, окрест стояще твоея раки, / молебно к тебе
руце простираем,/ святителю Арсение:/ молйся
Христу Богу о чадех твоих/ и о всех, любовию
празднующих/ честную память твою.
И ныне, Богородичен: Кто Тебе не ублажит:
Вход. Прокимен дне. И чтения.