252
Месяц март
Богородичен: Крепость верных и преподобных
была еси держава,/ Тобою бо, Чистая, всем
истекоша лучшая / и на земли живущий к Небесй
восходят.
Ин
Ирмос; Твой мир даждь нам, Сыне Божий:/ иного
бо, разве Тебе, бога не знаем,/имя Твое именуем, /
яко Бог живых и мертвых еси.
Миродохновенен быв Божественными доброде-
тельми,/ источил еси, мудре, по успении миро
благовонное,/ удивляемь верными человеки, лю-
бовию чествующими тя.
Величайшими показании чудес страшных, Сте-
фане всемудре, просиял еси/ и прежде смерти,
досточудне, и по изшествии, / и священном твоем
погребении.
Свято совершив твое житие о Христе, Стефане
Богомудре, отче наш, / со святыми вселился еси / и
ныне освящавши верою чествующий тя.
Богородичен: Рождши, Пренепорбчная, Бога
Еммануила, / Человека яве за милосердие бывша, /
Сего моли яко Человеколюбца, Чистая, ущедрити
согрешшия.
Песнь 6
Ирмос: В бездне греховней валяяся,/ неизслед-
ную милосердия Твоего призываю бездну:/ от тли,
Боже, мя возведи.
Умертвйвся, Иларионе, миру всему,/ нынеживе-
ши, преставився в Небесныя храмы/ и живонос-
ное всегда исцелений источавши действо.
Благозванен, кроток, незлобив, непорочен,/ и
преподобен, и благоумилен, и тих духом/ был еси,
отче пребогате.
Состраданием безмерным украшаемь/ и нище-
любия добротою чествуемь,/ Божий угодник
ближний, Иларионе, показался еси, всеизрядне.
Йко честно твое житие и непорочно,/ яко
предобр и красен нрав твой, / яко страшна чудеса,
яже совершавши всегда, всечудне.
Богородичен: Чертог Божий нескверный, / пре-
стол огнеобразный Вседержителя,/ Богородицу,
вси роди родов, ублажаем.