17-й день
35
верныя уверив./ Темже молйся даровати душам
нашим/ мир и велию милость.
Желанием, орошающим плоть, / похоти палящия
угасил еси, Алексйе,/ чертогом чертог благоче-
стно изменил еси,/ сладость же телесную Боже-
ственным Ангельским подобием. / С нймиже моли-
ся даровати душам нашим/ мир и велию милость.
Пребывал еси неведомь, мудре,/ пред враты
оскорбляемь священных родителей твоих,/ руга-
ющимся тебе твоим отроком,/ на времени дблзе,/
умер же, явился еси чудесы, / яже совершил еси, /
исцеляя недуги и отгоняя лукавствия духи.
Дом отца и матере,/ к сим же обрученицу,
богатство и славу, / и вкупе вся оставил еси,/ и на
нетленная оная простирался,/ сего ради Христос
твой, Человеколюбец,/ большими тебе даровании
обогати и чудесы почте,/ Егоже моли даровати
душам нашим/ мир и велию милость.
Йны стихиры, глас 6.
Подобен: Всю отложйвше:
На Творца твоего упование возложив,/ препо-
добие отче Алексйе,/ самовольную нищету паче
богатства тленнаго возлюбил еси / и, Владычнему
странствию подобяся,/ града Едеса достйгл еси,/
идеже иконою Богоматере явлен был еси,/ не
утайся, яко град, верху горы стоя, добродетель
твоя, / но преславно возсия силою Божиею, / Егоже
моли спастйся душам нашим.
Христово странствие возлюбив,/ славы челове-
ческия бегая, / Едес оставил еси, / хотевшу же тебе
идти в Тарсы Киликййския,/ судом Божиим ко-
рабль ветром бурным/ ко отечеству твоему воз-
вратйся./ Темже и рекл еси:/ да не буду тяжек
иному никомуже,/ но в дом отца моего иду и ту
буду незнаемь, / и там о многа лета пребывал еси, /
нищету терпя и досады Христа ради, / Егоже моли
спастйся душам нашим.
Всего себе преобйдев,/ от юности Богови возло-
жйлся еси/ и, вся плоти желания и мира красная
оставль, преподобие,/ изволил еси нищету, паче
богатств тленных,/ и алчен быти, паче неже
имети/ маловременную греха сладость,/ сия же