17-й день
53
шествовав,/ воздержанием плоть умертвил еси,/
душу же безстрастием украсив, / постником похва-
ла был еси, Макарие, / невйдимаго врага победил
еси/ и был еси чисто приятелище Божественнаго
Духа./ Темже вопием ти:/ мир миру испроси/ и
душам нашим велию милость.
Преподобие отче,/ Божественнаго Духа благо-
датию собрал еси лик монашествующих,/ воин-
ствующих Христу,/ с нимиже добре подвизався,/
течение совершил еси твоего мужества, / неуклон-
но к Небесй преводящую стезю шествовал еси / и
ныне со Ангелы ликуеши,/ предстоя Престолу
Всецаря. / Молйся, блаженне, о стаде твоем,/ еже
мудре собрал еси,/ да сохранено будет твоими
молитвами.
Слава, глас 6:
Приидйте, празднолюбцы, / усердно вси стецем-
ся, / верно торжествуем в честней памяти предйв-
наго отца,/ песньми воспевающе всечестное и
равноангелом житие его,/ по святем бо его
преставлении / честный мощи подают исцеления. /
К немуже возопием:/ радуйся, преподобие Мака-
рие,/ светйльниче многосветлый, / монашеству-
ющим спасения ходатай./ Но, яко имея дерзнове-
ние ко Христу Богу, / не престай моляся о чтущих
память твою.
И ныне, Богородичен: Творец и Избавитель:
На стиховне стихиры, глас 8.
Подобен: О, преславнаго чудесе:
О, преславное чудо!/ Яко звезда от запада,/
Макарие, провозсиял еси/ и был еси правило
добродетелей,/ монахов утверждение,/ постников
удобрение./ Темже, сошедшеся в память твою,/
Христа возвеличим,/ прославляющего Своя угод-
ники.
Стих: Честна пред Господем/ смерть преподоб-
ных Его.
О, преславное чудо! / В последняя времена, / яко
заря, облистал еси, Макарие, / монах истинен был
еси,/ любве явился еси исполнен/ и,яко Ангел,на
земли пожил еси,/ изображая в себе доброту