118
Месяц май
НА УТРЕНИ
По 1-м стихословии седален, глас 4.
Подобен: Воззревши на гробе:
Воззревше на преславный лик Богоматери,/
чудесно явленный в церкви Печерстей,/ богоиз-
браннии иконописцы удивйшася снизхождению
Присно девы/ и, зряще Духа Святаго, яко голубя,
исходяща от образа, / славляху Господа и Творца
всяческих,/ кланяющеся Обрадованней Деве и
Матери нашей.
По 2-м стихословии седален, глас 4.
Подобен: Удивйся Иосиф:
Удивйся Алйпий преподобный, наставник наш,/
видя незримо изображенную икону Пречйстыя и
Вседйвныя Матере Спасовой/ на стене церкве
Печерския,/ и в себе помышляше недоуменно:/
что сие странное таинство, / яко Приеносущная в
храме Вседева посещает его видимо, благодатию
сияющи?
По полиелеи седален, глас 8.
Подобен: Повеленное тайно:
Да ликовствует Печерская Лавра,/ прославля-
ющи преславное чудо явления Пречйстаго лика
Богородицы / в небесй подобней и благодатней Ей
церкви, / да играет лик ангельский,,зря неизречен-
ную милость к нам Приснодевы,/ Ейже благодар-
но поем:/ радуйся, чудо Печерское.
По 50-м псалме стихира, глас 6:
Приидйте, вернии, / любовию облобызаем чудес-
ный образ Богоматере,/ явно являющий пред
всеми державный покров Ей над нами,/ в негоже
прибегающе, преклоняем колена сердца нашего и
верно зовем:/ сохрани и спаси, Богородице, всех
притекающих к Тебе/ и чудному образу Твоему
кланяющихся.
Канон Богородице ради иконы Ея, именуемыя
Печерская-Нерукотворенная. Глас 4.
Песнь 1
Ирмос: Отверзу уста моя, /и наполнятся Духа, /и
слово отрыгну Царице Матери, / и явлюся, светло
торжествуя,/ и воспою, радуяся, Тоя чудеса.