128
Месяц май
ваших/ и всемощную благодать Всесвятаго Духа,/
обитающую на месте святем сем,/ Еяже снизше-
ствие благоговейно воспоминающе / и благоверно
чтуще,/ воспойм от сердца Заступницу рода
нашего,/ присно молящую о нас Христа Бога
нашего.
Р адуйся, святая обитель Печерская, / в благо-
знаменитый день явления в тебе/ безмерной
милости Богородицы,/ и, радостно воспевающе
благодарственная устнами сынов твоих и любо-
вию,/ да прославиши образ Игумений своей,/
присно хранйти тя обещавшей,/ аще вера и
любовь не оскудеют на месте сем.
Слава, глас 6:
Приидите, вси празднолюбцы, / к Пренепороч-
ней Заступнице нашей / и, упование возложше на
Ню,/ воспойм радостно,/ устнами и сердцем взы-
вая:/ радуйся, Обрадованная,/ Печерская
похвало.
И ныне, праздника.
На Литургии служба Богородице.
Молитва
О, Пресвятая и Пренепорочная Дево Богороди-
це, наша Печерская похвало и украшение, дер-
жавный покрове святаго места сего, истинная
Владычице избраннаго удела Своего. Приимй нас,
недостойных рабов Твоих, убогое моление, с
верою и любовию приносящих пред чудным
образом Твоим, да посетйши мйлостивно грехов-
ное житие наше, просвещающи его светом пока-
яния, осени нас, обремененных скорбьмй многими,
Твоею Небесною радостию, сподоби нас присно
славити Тя в мире и благочестии на месте святем
сем, да, без порока прешедше путь жития нашего,
помощию Твоею достигнем вечнаго веселия во
светлости святых и Богоносных отец наших
Антония и Феодосия и всех преподобных Печер-
ских и едиными усты и сердцы воспойм Тя с
Предвечным Сыном Твоим и Безначальным Его
Отцем и Пресвятым, Животворящим, Всеблагим и
Единосущным Его Духом во веки веков. Аминь.