136
Месяц май
зерцалом разрешшимся, / отче наш Феодосие,/
чйсте зрйши Святую Троицу,/ моляся несред-
ственне о йже верою и любовию чтущих тя.
И ныне, праздника.
На стиховне стихиры, глас 8.
Подобен: О, преславнаго чудесе:
Отче Богомудре Феодосие,/ ты, от утробы/ Богу
приблйжив твой смысл,/ весьма прилежал еси
Царю Вседержителю,/ плоды достойны принося
Ему/ от твоих подвиг, преподобие,/ соукрашаемь
добродетельными венцы,/ тем благих обрел еси
восприятие, досточудне.
Стих: Честна пред Господем/ смерть преподоб-
ных Его.
Ты монашествующих наказатель / и Российский
земли звезда пресветлая,/ осияющи чудесы всю
страну сию,/ тя бо Бог прежде избра от юности,
отче,/ пастыря овцам словесным./ Темже препо-
добных лик тя восприят,/ с нймиже моли, молим-
ся,/ стаду твоему грехов оставление даровати.
Стих: Блажен муж, бояйся Господа, / в заповедех
Его восхбщет зело.
Радуйся, Дево Препетая,/ яже столпом огнен-
ным пажить показавши, / идеже паствитися хотя-
ше Божественное стадо,/ и церковь ту абие
воздвйже Феодосии, / преукрашену Тебе и всечуд-
ну, / в нейже вси празднуем успение Твое, / Богоро-
дице Пречистая,/ вернии, окрест раки стояще
Твоего угодника.
Слава, глас 8:
Монахов множества/ наставника тя почитаем,
отче наш Феодосие:/ твоею бо стезею войстинну
право ходйти познахом./ Блажен еси, Христу
работав,/ и вражию обличил еси силу,/ Ангелов
собеседниче, преподобных сопричастниче и пра-
ведных. / С нймиже молйся Господеви / помйлова-
тися душам нашим.
И ныне, праздника.
Тропарь святаго, дважды. Богородице Дево:
единожды.