154
Месяц май
мученицы / Христа на судйщи мужески проповеда-
ете.
Богородичен: Пресущное Слово, существо при-
ем от чистых кровей Твоих,/ богосодела нас и
тления избави, Чистая,/ сего ради, вернии, Тя
всегда славим.
Песнь 3
Ирмос: Несть свят,/ якоже Ты, Господи Боже
мой,/ вознесый рог верных Твоих, Ближе,/ и
утвердйвый нас на камени/ исповедания Твоего.
Божия книги людем священно отверзая/ и
просвещая сердца, воине Христов Тимофее,/ в
честное мучение, радуяся, вшел еси.
Божественным желанием душу распалив, муче-
ниче,/ ко огню мук приступил еси терпелйвно,/
темже тя Христова Божественная роса, блаженне,
прохлади.
Ум твой, воззрением к Богу просвещаемь, муче-
ниче,/ не чуяше отнюд желез лютых
прикосновения, разжженных бывающих,/ славне
Тимофее.
Богородичен: Сый естеством безстрастен/ Сын
Твой, Дево, прият плоть от кровей Твоих чистых /
и страстию крестною от страстей мя, Чистая,
избави.
Кондак, глас 4.
Подобен: Вознесыйся:
М ногообразныя язвы претерпевше/ и венцы
от Бога приемше, / о нас молйтеся ко Господу, /
память всесвященную вашу совершающих, / пре-
великий Тимофее и преславная Мавро,/ еже
умирйти град и люди,/ Той бо есть верных
утверждение.
Седален, глас 1.
Подобен: Гроб Твой:
Почетше Бога, омрачйша прелесть Тимофей
мудрый и славная Мавра/ и, всяко претерпевше,
прехвальнии, мучение,/ просветйщася паче луч
солнечных / и бьппа сослужйтели Ангелом, / йхже
верою славим.
Слава, и ныне, праздника.