196
Месяц май
Усугуби тебе венцы на земли и на Небесй
Подвигоположник, Богомудре Иове./ Темже взы-
вавши:/ священницы, благословите, людие, пре-
возносите во вся веки.
Исцеления душам же и телом/ гноение твоей
плоти источает, пребогате, воспевающим:/ свя-
щенницы, благословите, людие, превозносите во
вся веки.
Недуг и здравие, богатство и нищета воскипеша
в житий твоем, блаженне, / светел бо явлься всеми,
зовеши:/ людие, превозносите во вся веки.
Богородичен: Неизреченно и без семене
заченшую / и рождшую радость вселенней, Христа
Бога,/ пойте, отроцы, священницы, благослови-
те,/ людие, превозносите во вся веки.
Песнь 9
Ирмос: Ева убо недугом преслушания клятву
вселила есть,/ Ты же, Дево Богородице,/прозябе-
нием чревоношения/ мйрови благословение проц-
вела еси./ Тем Тя вси величаем.
Иов убо терпения светлостию достойно венча-
ся, / ты же плачеши и сетуеши, не терпя праведна-
го венца,/ суетно бо надеявся, посрамился еси,
сажано, едйне праведников враже.
Яко достйжно человеком вйдети, славу Твою
усмотрйв безсмертную,/ страхом удержан быв и
благоговением, возопи Иов, зело трепетен: / пепел
есмь и земля, Ты же Господь. / Тем тя вси величаем.
Книги тя достойно животныя придала / и сокро-
вища небесная, яко пшеницу зрелу сущу,/ и
исполнь дней духовных, Иове, угодниче Госпо-
день блаженне./ Тем тя вси ублажаем.
Троичен: Единице Триипостасная, Честная Тро-
ице и единославная Пресвятая, Боже наш, / свет и
жизнь и нетление миру показалася еси, / зовущия
Твоя рабы от лести спаси, да верою Тебе поклоним-
ся.
Богородичен: Премудрости вместилище, паче
ума лучшее, / показалася еси, Отроковице Прене-
порочная, / одушевлен престол же и дверь, / темже,
яко Царицу возлюбившее девы Тя, Дево,/ в след
Тебе приведошася Богоотроковйцы.