6-й день
197
Светилен:
Иова непорочнаго и чистейшаго, / столпа благо-
честия твердейшаго, / хитростьмй врага непобеж-
дена пребывшаго, / ублажим вси и верно восхва-
лим,/ яко велйкаго угодника Боэкия,/ прилежно
молящася спастйся от бед душам нашим.
Слава, и ныне, праздника.
На хвалйтех стихиры праздника 3 (писаны на
стиховне) и святаго 3, глас 4:
Недоумеем по достоянию / восхвалйти тя, Иове: /
Сам бо Господь Вседержитель,/ Иже сердца и
утробы испытуяй/ и тайная человеков ясно ве-
дый,/ яко праведна и истинна,/ непорочна же и
богочестйва/ паче всех, тогда бывших на земли,
похвали тя. / Но Того Престолу предстоя ныне на
Небесй,/ не забуди, всехвальне,/ совершающих с
любовию святую память твою.
Ни отъятие имений,/ ни лишение любезных
чад,/ ни язвы и струпи лютейший,/ ниже увеща-
ния супружницы/ возмогоша ослабити крепкую
веру и надежду твою/ на Бога Благаго и Правед-
наго,/ но, яко адамант некий,/ посреде сих всех
непоколебим пребыл еси./ Сицевую твердость во
искушениих и нам испроси, многострадальче, / с
любовию совершающим святую память твою.
Бога видел еси, Иове, / в вихри бурнем явлынася
тебе, / и с Ним беседовал еси, / и Того безпредель-
ное могущество,/ свою же немощь и неведение
исповедал еси. / Того ныне лицем к лицу в Вышних
селениих созерцая,/ поминай и нас, блаженне,/ с
любовию совершающих святую память твою.
Слава, глас 8:
Яко истинен и непорочен,/ праведен и богоче-
стйв явйвыйся, славне Иове,/ просветил еси мир
добрым житием твоим/ и образ злострадания и
терпения всем был еси. / Темже чтим память твою и
воспеваем страдания твоя,/ вернейший служите-
лю Божий.
И ныне, праздника.
Славословие великое, и прочее, якоже
обычно, и отпуст.