250
Месяц май
писаний,/ яко дождем благодати,/ нйву твоего
сердца богатно напоил еси, Богомудре,/ тем и
Святаго Духа вместилище показался еси/ и плод
сторйчествующ принесл еси,/ преподобие отче
наш Нйле приснопамятне,/ молися убо выну ко
Господу о душах наших.
Неуклонно шествуя, преподобие,/ путем Хри-
стовых заповедей,/ отеческих Богомудрых
преданий/ опасный хранитель был еси,/ Нйле
Богомудре, отче наш приснопамятне,/ к сим и
законоположник и основатель в Россййстей
земли/ скйтскаго жительства показался еси,/ и,
яко скрижали завета, / твоя богомудрая словеса и
предания / твоему житию последов ати желающим /
оставил еси, отче./ Тем молим тя, преподобие,/
Христу прилежно молися о душах наших.
Любовию ко Христу уязвлен быв, преподобие,/
Того страсти спасйтельныя / непрестанно во уме
обносил еси / и сих подражатель изряден показал-
ся еси,/ постными подвиги плоть распиная со
страстьмй и похотьмй,/ острою же власяницею и
иным жестокожйтием/ плоти неудобопокорлйвое
души разумному покорил еси./ Тем молим тя,
Боголюбезне отче наш Нйле приснопамятне,/
Христу прилежно молися о душах наших.
Слава, глас 8:
Скйтскаго жительства наставника тя почита-
ем,/ отче наш Нйле,/ твоею бо стезею войстинну
право ходйти в безмолвии пустыни познахом:/
правый бо путь сего жительства словесы и делы
показуя, / яко образ одушевлен, самаго себе нам
представил еси./ И блажен еси истинно, яко,
сотворив, научил еси,/ тем и велий в Царствии
Небеснем, по глаголу Господню, нареклся еси./
Тому бо трудолюбие поработав/ и вражию всю
силу, козни и ловйтельства, яко паучйну, разтер-
зав,/ победоносец во всех показался еси/ и ко
Христу венценосец востекл еси, радуяся. / Егоже
моли, преподобие,/ о всех, верою совершающих
твою память всесвященнейшую, / еже дароватися
нам грехов прощению/ и велией милости.