280
Месяц май
пред пречистым образом Твоим, / егоже в Любечи
дивно явила еси/ и чудесы многими прославила
еси,/ сими Православную веру утверждающи и
ереси низлагающи, / благонравныя же рабы Твоя
подвизающи превозносйти Тя во вся веки.
Приими нашу слезную молитву, Всеблагая,/ и
испроси нам оставление грехов, мирное житие и
благую кончину от Господа:/ вемы бо, вемы
войстинну, Дево,/ яко вся возможна Тебе, аще
токмо восхощеши. / Темже со упованием крепким
поем во славу Твою / и превозносим Тя во вся веки.
Песнь 9
Ирмос: Образ чйстаго рождества Твоего/ огне-
палимая купина показа неопальная,/ и ныне на
нас напастей свирепеющую угасйти, молимся,
пещь, /да Тя, Богородице, /непрестанно величаем.
Светйся, радуйся, граде Любеч,/ се бо в Тебе
заря чудес возсия?икона Пречйстыя Девы;/
ликуйте Любечстии людие, / обретший залог не-
сомненный благоволения Богоматери,/ Своею
иконою в вас чудодействующей,/ и по долгу
хвалебными гласы Пречистую величайте.
О, Божественнаго и вселюбезнаго лика Твоего
подобие/ и безмерных чудес от него излияние,
Владычице, / град Любеч и всю паству его просве-
щают духовно/ и щедротами Твоими обогащают
ищущих Твоего заступления: / Ты бо еси войстин-
ну крепкое наше упование.
О Мати и Дево, рождшая святых Святейшее
Слово!/ Словес наших хвалебных не презри,/
ймиже чудеса иконы Твоея прославляти дерзаем,
смиренный,/ но молитв ради угодника Твоего,
преподобнаго Антония Печерскаго, / на милость к
нам преклонйся и от всяких бед нас избави, / да Тя
непрестанно величаем.
Да сохранйши, Владычице, град и люди / пребы-
ванием в них чудотворный иконы Твоей осенен-
ныя, / да спасеши державу Российскую от всякаго
злаго нестроения и враг видимых и невидимых./
Молим Тя, Всеблагая,/ сохрани стадо Твое в
Православии цело / и спаси нас, Тя благоговейно
величающих.