8-й день
303
Слава, глас 4:
Возлег на перси Учителя Христа/ на вечери
Господни, возлюбленне учениче, / оттуду разумел
еси неизреченная, / и небесный всем возгремел еси
глас: / в начале бе Слово, и Слово бе к Богу, / и Бог
бе Слово,/ Свет истинный, просвещали всякаго
человека, в мир грядущаго,/ Христос Бог и Спас
душ наших.
И ныне, праздника.
На стиховне стихиры, глас 4.
Подобен: Званный свыше:
Сына Вышняго богословив,/ Отцу Соприсно-
сущна и Единосущественна, / Свет от Света непре-
менен,/ и начертание Ипостаси Родйтелевы,/
бездетно возсиявша и безстрастно от Него,/
Содетеля же и Господа всех веков, / возлюбленне,
ты проповедал еси Сего мйрови,/ яко изведша
свет от тьмы, / Христа Бога нашего. / Егоже моли
спасти и просветйти души наша.
Стих: Во всю землю изыде вещание их/ и в
концы вселенныя глаголы их.
Утешителев свет восприем,/ Имже и просвеща-
емь,/ богословил еси от Отца происходяща,/
Сыном же человечеству являема,/ Единочестна,
Сопрестольна и Единосущна,/ суща Отцу Безна-
чальну же/ и Божию Слову,/ возлюбленне, всем
проповедал еси./ Темже в песнех тя почита-
ем,/ яко веры Божественное основание,/ юже
непоколебйму соблюдай/ ко Господу молитвами
твоими.
Стих: Небеса поведают славу Божию, / творение
же руку Его возвещает твердь.
На высоту возшед Богословия,7 научился еси
неизреченных Божиих тайн/ о единосущии Боже-
ства, славе же единой, / и царстве, и господьстве, /
Треми Ипостасьми разделяемем присно,/ суще-
ственней же, неразделяемем и совокупляемем / в
неслиянном Божественном единстве,/ сйце слав-
ля, проповедал еси, Богослове,/ Троицу нераз-
дельну, / Юже моли спасти и ■ просветйти души
наша.