10-й день
397
По 50-м псалме стихира, глас 6:
Приидйте, монашествующих множество днесь,/
восхвалим преподобнаго Симона,/ подражателя
добродетелей аввы Сергия/ песньми и пеньми
восхвалим/ и честную его икону любезно облобы-
заем, глаголюще: / радуйся, отечеству твоему прес-
ветлый светйльниче; / радуйся, яко Троице пред-
стойши со Ангелы,/ Юже непрестанно моли/
даровати миру мир/ и душам нашим велию
милость.
Канон, глас 4. Егоже краегранесие: Ангелу
своему песни хваления приношу.
Песнь 1
Ирмос: Отверзу уста моя, / и наполнятся Духа, /и
слово отрыгну Царице Матери, / и явлюся, светло
торжествуя,/ и воспою, радуяся, Тоя чудеса.
Ангельскому пению подражая,/ вси помолимся
Христу, нашему Сладчайшему Владьще,/ славе
монашествующих, постников наслаждению,/ и
прославим подвижника святыя обители Радонеж-
ския?преподобнаго Симона.
Ныне вси ученицы Сергиевы, неувядаемии цве-
ти рая мысленнаго, / многоценнии сосуда, Христо-
вы угодницы,/ приидйте и станьте с нами,/ да
воздадим славу Богу, дивному во святых Своих.
Грядите, людие, воспойм песнь Христу Богу,/
прославлынему угодники Своя, / и ублажим препо-
добнаго Симона, ныне на Небесех радующагоея.
Богородичен: Едина Чистая и Непорочная Дево,
Пречудная мира Горняго Царице,/ молящи не
престай Творца и Сына Твоего,/ даровати нам
грехов оставление и душам нашим спасение,
Песнь 3
Ирмос: Твоя песнословцы, Богородице, / Живым
и Незавйстный Источниче, / лик себе совокупль-
шия, духовно утверди,/ в Божественней Твоей
славе/ венцев славы сподоби.
Любовь Божественную в сердце свое стяжал
еси, преподобие отче Симоне,/ в житий своем
великому учителю твоему авве Сергию подражая, /