412
Месяц май
дением просвещает словенския и россййския
люди./ О сем радующеся и Христа Светодавца
славяще, / и твое, преподобие, благодеяние благо-
дарив исповедуем./ Ты же споспешествуй нам
твоими молитвами,/ яко да и безлетныя блажен-
ныя жизни достигнем Православною верою / и
заповедей Христовых исполнением.
Богородичен: Благая Мати Благаго Царя и
Праведнаго Судий,/ дарующаго Царствие Божие
языку, творящему плоды Его и отъемлющаго от
недостойных, / милостива сотвори Его нам Твоим
предстательством, / да неотъймет от нас Царствия
Своего,/ яко не принесших Ему плодов благоче-
стия,/ правды, воздержания, братолюбия,/ но да
обратит нас к покаянию и исправлению/ и соблю-
дет нас в чине сынов Царствия Своего.
Песнь 3
Ирмос: Йже от несущих вся приведши,/ словом
созидаемая, / совершаемая Духом, / Вседержителю
Вышний,/ в любви Твоей утверди мене.
Глагол Господень, яко ? йже по Мне итй хощет,
да возьмет крест свой,? / слухом сердца твоего
услышав, преподобие Мефодие, / крест йноческа-
го жития возложив на рамо твое, последовал еси
Христу, / Егоже моли, да и мене, хладнаго, в любви
Своей утвердит.
Йже древле Иакову в соннем видении лествицу,
к небесй возводящую, показа,/ Той и тебе, святе
Кирилле, еще отроку сущу, в дйвнем сне Софию
деву обручи: / се же бысть Престолу Его приседя-
щая Премудрость,/ Яже в любви Всевышняго
утверди тя.
Йже от не сущих вся Приведый, и вас, отцы
досточуднии, / от чрева материя освяти в сосуды
избранная Себе,/ во еже пронести Имя Его пред
языки; / темже честную память вашу совершающе,
молим вас, Кирилле и Мефодие,/ влающийся ум
наш во исповедании правыя веры утвердйти.
Богородичен: Яже мйрови мир подавшая/ и
Начальника тишины рождшая,/ укроти волны
страстей моих, Чистая,/ и на камени мя безстра-
стия утверди.