2-й день
85
Слава, глас 5:
Царю царей присвоився Крещением, / благовер-
ный царю Борисе, / и люди своя к Нему привед, /
возрасл еси в мужа совершенна благочестием / и в
меру возраста, апостолом равнаго:/ прийм бо в
страну твою словенских учителей слова Божия,/
утвердил еси незыблемо на земли Болгарстей
Православие;/ но и еще возжаждавшей души
твоей к Богу Живому,/ оставил еси жезл
царствия, / вселился еси в пустыню / и пожил еси в
преподобии и правде;/ конец же прийм жития
земнаго/ и на вечное прешед блаженство,/ не
забывавши рода своего,/ моляся непрестанно ко
Господу/ о спасении душ наших.
И ныне, праздника.
На стиховне стихиры, глас 2.
Подобен: Егда от Древа:
Егда Бог восхоте род словенский извести/ из
тьмы идолобесия во свет спасительный, / тогда тя
избра венценосна апостола / и сердце твое разжже
огнем любве Своей, / во еже, яко елень на источник
живыя воды, / тебе устремйтися и, напйвся благо-
дати Крещения,/ всем людем твоим быти
просвещения/ вина спасительная.
Стих: Вознесох избраннаго от людей Моих,/
обретох Давида, раба Моего.
Егда на тя излился благодать Христова/ и вера,
яко квас, царствия в тебе преумножися/ и любовь
Божия всю душу твою плени,/ тогда, днем дела
царствия в багрянице исправляя, / нощнаго часа в
терпении жаждал еси,/ идеже во вретищи пред
лицем Господа/ повержен возсылати молитвы
твоя в покаянии/ о себе и людех твоих.
Стих: Сего ради помаза Тя, Боже, Бог Твой/
елеем радости паче причастник Твоих.
Егда преложением служений Бог восхоте/ из
апостола венценосна в преподобнаго тя содеяти, /
тогда болезнь лютую на тя наведе/ и страхом
смерти царство оставити, / иночество же прияти
тя настави,/ идеже постом и молитвою
насыщался,/ седмочйсленным же в книгах