2-й день
89
яко уметы вменил еси/ и подвиг великий равно-
апостола подъял еси,/ со всеми боряся, дондеже
вконец победив, Богу угодил еси.
Богородичен: Обилие благодатей Божиих изли-
лся на род человеческий странным рождеством
Твоим, Пречистая,/ низведе бо во ад Рожденный
Тобою князя мира сего / и нас власти его свободй.
Кондак и йкос праздника.
Седален святаго, глас 2.
Подобен: Милосердия двери:
Милосердие щедрот Божиих излияся на землю
Болгарскую Крещением,/ якоже дождь на руно,/
иже не возвратйся тощ, дондеже напой вся./
Темже прозябоша семена царствия / и принесоша
плодоношение в Вышнюю житницу,/ водящу,
якоже отец, дети своя благоверному царю
Борису,/ крестившему себе и люди своя.
Слава, и ныне, праздника.
Песнь 4
Ирмос: Услышах, Господи,/ смотрения Твоего
таинство, / разумех дела Твоя/ и прославих Твое
Божество.
Слуха Господня услышав, ко спасению всех
зовущаго,/ иго подъял еси Христово, крестйвся
нелицемерно,/ и совместил еси царская с
благочестием,/ днем в багрянице, нощию же во
вретищи Богу моляся.
Твоя добродетель во всю землю изыде
Болгарскую/ и во образ всем людем твоим тя
возвыси, / темже с любовию власти твоей повино-
вахуся не токмо за гнев, но и за совесть.
Аможе грех нечестия умножися,/ преизбыточе-
ствова благодать по апостольскому глаголу/ и
возсия по Крещении богобоязлйвая душа твоя
светом/ от юга пришедшаго Солнца правды,
Христа Бога нашего.
Богородичен: Внегда приблйжися лето благово-
ления Божия,/ прияла еси от Архангела, Пречи-
стая, благовещение радости,/ яко хощет Тобою
Бог родйтися во свет языком и славу Израиля.