102
Месяц май
ныне живут твоим последующий, отче, Боже-
ственным учением.
Уязвляемь Владычнею любовию,/ погасил еси
плоти пристрастие воздержанием, Пахомие,/ все
житие твое, яко благовонну жертву, освятил еси.
Богородичен: Тя пристанище спасения и стену
недвйжиму,/ Богородице Владычице, вси вемы,
вернии: / Ты бо молитвами Твоими от бед избавля-
вши души наша.
Песнь 5
Ирмос: Ходатай Богу и человеком был еси,
Христе Боже:/ Тобою бо, Владыко, к Светоначалъ-
нику, Отцу Твоему,/ от нощи неведения/ приведе-
ние имамы.
Любовию Божиею, учением беседовал еси Ду-
ха, / из нйхже просвещаемь, добродетели соверше-
ние приял еси,/ от страстей изменив душевное
устроение.
Молитвенника Твоего, постника приводим Тебе,
Владыко,/ того ради просяще просвещением
благодати просветйтися/ и Твоим всеоружием
всегда сохранйтися.
Укрепив ум заповедей соблюденьми, Пахомие,/
плоти взыграние твоим воздержанием увядйл еси /
и пастырь показался еси боголюбезнаго сонма.
Богородичен: Моли Твоего Сына и Господа,
Дево Чистая, / пленным избавление от протйвнаго
обстояния/ и на Тя уповающим умирение дарова-
ти.
Песнь 6
Ирмос: В бездне греховней валяяся, / неизслед-
ную милосердия Твоего призываю бездну:/ от тли,
Боже, мя возведи.
Всегубйтельная демонская попрал еси, отче,
коварства,/ Владыки твоего одеян силою и кре-
стам честным ограждаемь.
Умно паче временных проразсудйв вечну-
ющая, / болезни воздержания претерпел еси, пре-
подобие,/ и душам строитель был еси.
Вольне обнищав духом, отче,/ безсмертное и
непреемное на Небесех наслаждение / и несказан-
ное богатство восприял еси.